Mizan-Tepi University, ICT

ሚዛን ቴፒ ዩኒቨርሲቲ ተማሪዎቹ የተለያዩ አገልግሎቶችን በመፈለግ ያጠፉ የነበረውን የትምህርት ጊዜ በማቃለል ከፍተኛ ጥቅም ያላቸውን ሱቆች በዛሬው እለት ለሚዛን አማን ከተማ አስተዳደር አስረክቧል፡፡ በርክክብ ስነ-ስርዓቱ ላይ የሚዛን ቴፒ ዩኒቨርሲቲ ፕሬዝዳንት ዶ/ር ፋሪስ ደሊል ባስተላለፍት መልዕክት ሚዛን ቴፒ ዩኒቨርሲቲ የተለያዩ የማህበረሰብ አገልግሎት ስራዎችን እየሰራ መሆኑን አስታውሰው የዛሬው ስራ ግን ዩኒቨርሲቲውንና ማህበረሰቡን በተለይም ወጣቱን ይበልጥ የሚያቀራርብ ሲሉ ተናግረዋል፡፡

ጥቅምት 22/2012ዓ/ም

ዩኒቨርሲቲው በአገር አቀፍ ደረጃ ለሳይንስና ከፍተኛ ትምህርት ተቋማት በተዘጋጀው የውድድር መስፈርት መሰረት ባወጣው የውድድር ማስታወቂያ ባሉት ሁለት የምክትል ፕሬዝዳንት ቦታዎች ማለትም በአስተዳደርና ተማሪዎች አገልግሎት ምክትል ፕሬዝዳንትነት እና በቢዝነስ ልማት ምክትል ፕሬዝዳንትነት ተወዳዳሪዎች ለመወዳደር ባመለከቱት መሰረት በትናንትናው እለት የውድድሩን መስፈርት አሟልተዋል ያላቸውን ተወዳዳዎች አቅርቦ በዩኒቨርሲቲው ምክትል ቦርድ ሰብሳቢ እና የቤንች ሸኮ ዞን ዋና አስተዳዳሪ አቶ አስራት አሰፋ፣ የዩኒቨርሲቲው ፕሬዝዳንት ዶ/ር ፋሪስ ደሊል ፣የሴኔት እና ካውንስል አባላት በተገኙበት ብመረጥ አከናውነዋለሁ ያሉትን አጭር ስትራቴጂያዊ እቅድ አቅርበዋል፡፡