Mizan-Tepi University
       Light of the green valley!

Tepi Fresh Students Welcome
 
» » በ ICT ዘርፍ ለተደራጁ ኢንኩቤቲ ተማሪዎች በኔትዎርክ ዝርጋታ፣ በሶፍት ዌር ልማት ፣ በቢሮ ማሽኖች ጥገና ፣በኢንተርፕርነርሺፕ እና በቢዝነስ ፕላን / ዕቅድ / አዘገጃጀት ዙሪያ የተግባር ተኮር ስልጠና ተሰጠ፡፡

በ ICT ዘርፍ ለተደራጁ ኢንኩቤቲ ተማሪዎች በኔትዎርክ ዝርጋታ፣ በሶፍት ዌር ልማት ፣ በቢሮ ማሽኖች ጥገና ፣በኢንተርፕርነርሺፕ እና በቢዝነስ ፕላን / ዕቅድ / አዘገጃጀት ዙሪያ የተግባር ተኮር ስልጠና ተሰጠ፡፡

Author: Admin dated 30-05-2019, 11:00
  • Dislike
  • +1
  • Like
የደቡብ /ብ/ብ/ህ/ክ/መንግስት መገናኛና ኢንፎርሜሽን ቴክኖሎጂ ኤጀንሲ የኢንፎርሜሽን ኮሚኒኬሽን ቴክኖሎጂ የግል ስራ ፈጠራ አገልግሎት አስተዳደር ዳይሬክቶሬት ከሚዛን ቴፒ ዩኒቨርሲቲ ጋር በመሆን በዩኒቨርሲቲው ውስጥ በ ICT ዘርፍ ለተደራጁ ኢንኩቤቲ ተማሪዎች በኔትዎርክ ዝርጋታ፣ በሶፍት ዌር ልማት ፣ በቢሮ ማሽኖች ጥገና ፣በኢንተርፕርነርሺፕ እና በቢዝነስ ፕላን / ዕቅድ / አዘገጃጀት ዙሪያ የተግባር ተኮር ስልጠና ሰጠ፡፡ ይህ ስልጠና ተማሪዎች በስራ ዓለም በሚሰማሩበት ወቅት በንድፈ ሀሳብ ያገኙትን እውቀት በተግባር ላይ በተመሰረተ ስልጠና ማስደገፍ መቻላቸው አሁን ላይ የተሻለ ውጤታማ በማድረግ በመስኩም ጥሩ ተወዳዳሪ ምሩቃን ያደርጋቸዋልም ተብሏል፡፡እነዚህ ሰልጣኞች ከዩኒቨርሲቲው ተመርቀው ከመውጣታቸው አስቀድሞ የሚሰጣቸውን ስልጠና በመጠቀም ወደ ሌሎቹ በሺዎች ለሚቆጠሩ ተማሪዎች በማካፈል ውጤታማ ስራ መስራት የሚያስችላቸው ከመሆኑም በተጨማሪ በጥቃቅን ምክንያቶች አገልግሎት መስጠት የማይችሉ ኮምቲተሮችን ባገኙት እውቀት ተጠቅመው ለአገልግሎት እንዲውሉ በማስቻል በቆይታቸው ለዩኒቨርሲቲው ቀላል የማይባል አስተዋጽዎ ሊያበrክቱ እንደሚያስችላቸውም ተብራርቷል፡፡ ሰልጣኝ ተማሪዎችን የሚዛን ቴፒ ዩኒቨርሲቲ ፕሬዝዳንት ዶ/ር ፋሪስ ደሊል ተዘዋውረው የጎበኙ ሲሆን በስልጠናው ሂደት ስለገጠማቸው ችግር መስተካከል ስሚገባው ጉዳይ እንዲሁም ስልጠናውን እንዴት እንዳገኙት ጠይቀዋቸው ሰልጣኝ ተማሪዎችም በበኩላቸው ስልጠናው ለወደፊትም ቀጣይነት እንዲኖረው ጠይቀው ወደ ስራ በሚሰማሩበት ጊዜ ጥሩ በራስ መተማመን ስሜት እንዲፈጥርባቸው ያስቻለ ስልጠና እንደሆ ገልጸዋል፡፡ፕሬዝዳንቱም በተማሪዎች ጥያቄ መሰረት ወደፊትም ስልጠናው ማህበረሰቡን በስፋት ባሳተፈ ሁኔታ ለማስቀጠል ከደቡብ አይሲቲ ኤጀንሲ ጋር እንደሚሰራ ለሰልጣኞች ቃል የገቡ ሲሆን ከደቡብ አይሲቲ ኤጀንሲ ከመጡ ባለሞያዎች እንዲሁም ከዩኒቨርሲቲው ከፍተኛ አመራሮች ጋር በጽፈት ቤታቸው በተደረገው ውይይት ላይ ሚዛን ቴፒ ዩኒቨርሲቲ ከኤጀንሲው ጋር በትብብር ለመስራት የጋራ የስምምነት ሰነድ የሚፈራረም መሆኑን ተገልጸዋል፡፡ ከኤጀንሲውም በኩል ሚዛን ቴፒ ዩኒቨርሲቲ ብቁና ተወዳዳሪ ምሩቃንን ለማፍራት በሚያደርገው ስራ ግንኙነቱን ከዩኒቨርሲቲው ጋር በማስተሳሰርና በማጠናከር እንደሚሰራም ቃል ገብቷል፡፡ በመጨረሻም ከደቡብ አይሲቲ ኤጀንሲ የመጡት አካላት ተወካዮች የሚዛን ቴፒ ዩኒቨርሲቲ አይሲቲ ዳይሬክቶሬት ለስልጠናው ስኬት ትልቁን ድርሻ ማበርከቱን በመግለጽ ምስጋና አቀርበዋል፡፡ የሚዛን ቴፒ ዩኒቨርሲቲ አይሲቲ ዳይሬክቴሬት ከቅርብ ጊዜ ወዲህ በዩኒቨርሲቲያችን ውስጥ በዘርፉ በርካታ የሚበረታቱ ተግባራትን እያከናወነ እንደሚገኝ የሚታወስ ነው፡፡ የስልጠናውን ሂደት በፎቶግራፍ በከፊል አነሆ
Dear visitor, you entered the site as an unregistered user.
We recommend you to register or login to the website using your name.

Comments:

Leave a comment