Mizan-Tepi University
       Light of the green valley!

Tepi Fresh Students Welcome
 
» » የመምህራን ፍልሰት በቴፒ ግቢ

የመምህራን ፍልሰት በቴፒ ግቢ

Author: Admin dated 3-07-2019, 09:17
  • Dislike
  • 0
  • Like
የመምህራን ፍልሰት በቴፒ ግቢ የሚዛን-ቴፒ ዩኒቨርስቲ የቴፒ ግቢ መምህራን ምንም እንኳን ከቦታ ቦታ ህጋዊ በሆነ መንገድ በዝውውር ተንቀሳቅሶ መስራት የተለመደ ቢሆንም በያዝነው በጀት አመት ግን በህጋዊም ሆነ በህገ ወጥ በገዛ ፈቃዳቸው ተቋሙን ለቀው የወጡና አሁንም ለመልቀቅ ጥያቄ በማቅረብ ላይ ያሉ በርካታ መምህራን መኖራቸውን በቴፒ ግቢ የሚገኙ የሶስቱም ኮሌጅ ዲኖች ገልፀዋል፡፡ ለዚህም እንደዋነኛ ምክንያት አደርገዉ የሚጠቅሷቸዉ የመኖሪያ ቤት እጥረት፤ ምቹ የሆነ የስራ አካባቢና በቂ የሆነ የቁሳቁስ አቅርቦት ያለመኖርና የመሳሰሉት ያልተሟላ በመሆኑ፣ብሎም በኢንተርኔት መቆራረጥ ምክንያት ለማንበብ፣ ለመዘጋጀትና ሪሰርች ለመስራት ምቹ ሁኔታ አለመኖሩ ፣በአከባቢው የተለያዩ ኮሌጆች አለመኖራቸዉ መ/ራኑ የተሻለ ጥቅም ፍለጋ በህጋዊም ሆነ በህገ ወጥ መንገድ በመልቀቅ ላይ ይገኛሉ፡፡ ይኸውም በያዝነዉ በጀት አመት ብቻ ከምህንድስናና ቴክኖሎጂ ኮሌጅ 15 መምህር 5 አሲስታንስ/ረዳት መምህር/በድምሩ 20 ሲሆኑ ከነዚህም መካከል ስድስቱ ህጋዊ ማመልከቻ በማስገባት ክሊራንስ አጨራርሰው የተዘዋወሩ ሲሆን አስራ አራቱ በገዛ ፍቃዳቸው ተቋሙን ለቀው የወጡ መሆናቸውንና ከነዚህም መካከል ሶስቱ በሀላፊነት ደረጃ ላይ እንደነበሩም የኮሌጁ ዲን ገልፀዋል፡፡
የምህንድስናና ቴክኖሎጂ ኮሌጅ ዲን አቶ በረከት ማሞ

ከተፈጥሮና ቀመር ሳይንስ ኮሌጅ 18 መምህር 1 አሲስታንስ/ረዳት መምህር/በድምሩ 19 መምህራን የለቀቁ ሲሆን ከነዚህም መካከል አስራ አምስቱ በህጋዊ መንገድ አጨራርሰው የተዛወሩ ሲሆን አራቱ በራሳቸው ፍቃድ ተቋሙን ለቀው የወጡ መሆናቸውንና ከነዚህም መካከል ሶስቱ በሀላፊነት ደረጃ ላይ እንደነበሩ የኮሌጁ ዲን ገልፀዋል፡፡
የተፈጥሮና ቀመር ሳይንስ ኮሌጅ ዲን አቶ ተስፋልደት ፀጋዬ

በተመሳሳይም ከኮምፒውቲንግና ኢንፎርማቲክስ ት/ቤት 5 መምህር በህጋዊ መንገድ መልቀቃቸውንና አምስቱም በሀላፊነት ደረጃ ላይም እንደነበሩ የት/ቤቱ ዲን ገልፀዋል፡፡
የኮምፒውቲንግና ኢንፎርማቲክስ ት/ቤት ዲን አቶ ስመኘው አሰሜ ምንም እንኳ በህጋዊ መንገድ የሚለቁ መምህራን ማመልከቻቸው ላይ የሚያሰፍሩት የግልና የቤተሰብ ችግር ማለትም የጤና፣አቅመ ደካማ ቤተሰብ፣ የጋብቻ በመሳሰሉት ነገሮች ላይ የተለያዩ ሰነዶችን በማቅረብ ይሁን እንጂ ለመልቀቅ የሚገፋፉት ከላይ የተጠቀሱት ምክንያቶችና በአከባቢው በተፈጠረ የፀጥታ ችግር በፈጠረባቸው የስነልቦና ተፅኖም ጭምር ከሶስቱም ኮሌጆች በድምሩ 44 መምህራን በመልቀቃቸው ፍልሰቱ በያዝነው በጀት አመት የተጋነነ እንደሆነም ተገልጧል፡፡ ያነጋገርናቸው መምህራኖችም ፍልሰቱ በዚህ ሁኔታ ከቀጠለ ዩኒቨርስቲው ልምድ ያላቸውን መምህራን ይዞ ተማሪ ተቀብሎ የመማር ማስተማር ስራውን በተሳለጠ መልኩ ለማከናወን እንደሚቸገር ገልፀዉ ቢያንስ በዩኒቨርስቲው ግቢ ውስጥ በቀላሉ መሰራት የሚችሉ ለፍልሰቱ ምክንያት የሆኑትን ነገሮችን በመፍታት ለመምህራን ምቹ ሁኔታን በመፍጠር ፍልሰቱን ማቆም ባይቻልም ቁጥሩን መቀነስ የሚቻልበት የመፍተሄ አቅጣጫ እንደሆነና ይህንንም አቅጣጫ ባለድርሻ አካላት የቅድሚያ ቅድሚያ ትኩረት ሰጥተውበት ሊሰሩ ይገባል በማለት አስተያየታቸውን ሰጥተዋል፡፡
Dear visitor, you entered the site as an unregistered user.
We recommend you to register or login to the website using your name.

Comments:

Leave a comment