Mizan-Tepi University
       Light of the green valley!

Tepi Fresh Students Welcome
 
» » የሚዛን-ቴፒ ዩኒቨርሲቲ አስተዳደር ቦርድ በአጠቃላይ የስራ እንቅስቃሴ ዙሪያ ውይይት አካሄደ፡፡

የሚዛን-ቴፒ ዩኒቨርሲቲ አስተዳደር ቦርድ በአጠቃላይ የስራ እንቅስቃሴ ዙሪያ ውይይት አካሄደ፡፡

Author: Admin dated 21-09-2018, 12:43
  • Dislike
  • 0
  • Like
የሚዛን-ቴፒ ዩኒቨርሲቲ አስተዳደር ቦርድ ከግንቦት 18-20/2008 ዓ.ም በሦስቱም የዩኒቨርሲቲው ግቢዎች ማለትም ሚዛን ዋናው ግቢ፣ ቲችንግ ሆስፒታልና ቴፒ ግቢዎች በመዘዋወር ከጎበኜ በኃላ ከዩኒቨርሲቲው ተማሪዎች፣ መምህራንና የአስተዳደር ሰራተኞች ጋር በአጠቃላይ የስራ እንቅስቃሴ ዙሪያ ውይይት አካሄደ፡፡ በክቡር አቶ አድማሱ አንጎ በደቡብ ብሔር ብሔረሰቦችና ህዝቦች ክልላዊ መንግስት በምክትል ርዕሰ-መስተዳድር ማዕረግ የፍትህ ቢሮ ኃላፊና የሚዛን ቴፒ ዩኒቨርሲቲ አስተዳደር ቦርድ ስብሳቢ የተመራው የቦርዱ አባላት ቡድን ሀሙስ ግንቦት 18/2008 ዓ.ም በቴፒ ግቢ እንዲሁም አርብ ግንቦት 19/2008 ዓ.ም በሚዛን ግቢና ቲችንግ ሆስፒታል ተገኝተው የተማሪዎች ማደሪያ ክፍሎችን፣ መማሪያ ክፍሎችን፣ ቤተ መጽሀፍትን፣ መመገቢያ አዳራሾችንና የምግብ አዘገጃጀት ሁኔታን፣ የቲችንግ ሆስፒታሉ ህክምና አሰጣጥ ሁኔታንና የህሙማን መኝታ ክፍሎችን እንዲሁም ቤተ-ሙከራዎችንና ትርትሜንት ፕላንቶችን (treatment plants) ጨምሮ በግንባታ ሂደት ላይ ያሉ ህንጻወችንና ዋና ቢሮችን ጎብኝተዋል፡፡ የሚዛን-ቴፒ ዩኒቨርሲቲ አስተዳደር ቦርድ በአጠቃላይ የስራ እንቅስቃሴ ዙሪያ ውይይት አካሄደ፡፡ ከጉብኝቱ በኋላም የቦርዱ አባላት በቴፒና በሚዛን ግቢዎች ከሚገኙ ተማሪዎች፣ መምህራንና የአስተዳደር ሰራተኞች ጋር አጠቃላይ በመማር-ማስተማር፣ ምርምርና ማህበረሰብ ድጋፍ እንዲሁም በመልካም አስተዳደር ጉዳዮች ዙሪያ መክረዋል፡፡ በምክክር መድረኩ የተሳተፉት የዩኒቨርሲቲው ተማሪዎች፣ መምህራንና ሰራተኞች የቦርዱ አባላት በሁሉም ግቢዎች ተገኝተው የስራ እንቅስቃሴዎችን በማየታቸውና በማወያየታቸው ከፍተኛ ደስታ እንደተሰማቸው በመግለጽ የዩኒቨርሲቲውን መልካም ስራዎችንና ተግዳሮቶችን ለቦርዱ አባላት በማቅረብ ሰፊ ውይይቶች ከተደረጉ በኋላ የቦርዱ አባላትም መልካም ስራዎች እንዴት መቀጠል እንዳለባቸውና ችግሮች እንዴት መፈታት እንዳለባቸው አቅጣጫ በማስቀመጥ የዩኒቨርሲቲው ማህበረስብ የዩኒቨርሲቲውን ራዕይና ተልዕኮ በቁርጠኝነት ለማሳካት መረባረብ እንዳለበት አስገንዝበው ቦርዱም በሁሉም መልኩ ድጋፉን አጠናክሮ እንደሚቀጥል አሳውቀዋል፡፡ የሚዛን-ቴፒ ዩኒቨርሲቲ አስተዳደር ቦርድ በአጠቃላይ የስራ እንቅስቃሴ ዙሪያ ውይይት አካሄደ፡፡ ቅዳሜ ግንቦት 20/2008 ዓ.ም የዩኒቨርሲቲውን አስተዳደር ቦርድ 30ኛ መደበኛ ስብሰባ በዩኒቨርሲቲው ፕሬዚዳንት ጽ/ቤት በማካሄድ ለዩኒቨርሲቲው ዕድገትና አጠቃላይ ሥራ መቃናት ጠቀሜታ ያላቸውን በርካታ ውሳነዎችን ወስነዋል፡፡
Dear visitor, you entered the site as an unregistered user.
We recommend you to register or login to the website using your name.

Comments:

Leave a comment